Kommunit nalunaarsuisarfiinit nalunaarsuutit
Kisitsisitigut paasissutissani nalunaarsuutit atorneqartut kommunit soraarnerussutisianut naatsorsuuserisarfiinit Naatsorsueqqissaartarfiullu inunnut nalunaarsuiffianit nalunaarsuutinik tunngaveqarput.
Pineqartut allaffissorluni aqutsinermi nalunaarsuiffinninngaanneerput naatsorsueqqissaarnikkut atungassatut ineriartortitaanatik, taamaattumillu nalunaarsuutit tunngaviusut suliareqqillugit nalilersorlugillu suliaapput.
Inuit amerlassusaannik killiliineq
Naatsorsuutini pineqartut tassaapput Naatsorsueqqissaartarfiup inunnik nalunaarsuiffiani inuit ukiup naanerani Kalaallit Nunaanni kommunini najugaqartutut allattorsimasut. Inuit allattorsimaffianni soraarnerussutisialik sumiiffimmi najugaqartutut allaqqasoq tassani najugaqartutut naatsorsuussaavoq, inuillu allattorsimaffianni sumiiffimmi najugaqartutut naatsorsorneqarsimaneq kommunit naatsorsuuserisarfianni allami najugaqartutut allaqqasinnaalluni.
Ukiut
Ukiumi kisitsiviusumi novembarip naanerani ukiorisat malinneqarput. Utoqqalinermi soraarnerussutisiat qaammatip 66-inik ukioqalerfiup tulliani tunniunneqarsinnaapput. Taamaasilluni novembarip naanerani 66-inik ukioqalersimasut tamarmik utoqqalinermi soraarnerussutisiaqalernissamut decembarimi qinnuteqarsinnaapput, novembarilli naanerani 66-inik ukioqalereersimanngitsut tamarmik utoqqalinermi soraarnerussutisiaqarsinnaatitaapput.
Periaaseq
Naatsorsuutit soraarnerussutisiaqarnermut tunngasut kommunit naatsorsuuseriviannit Winformatik-imik taaneqartumit tigusaapput. Naatsorsuutit utoqqalinermi aammalu siusinaarluni soraarnerussutisiallit aningaaseriviannut nuunneqarsimasut aningaasat tunngaviusut malillugit tigusaapput. Soraarnerussutisiaqartitsinerit ukiumi naatsorsuuserivimmi pineqartumi qaammat decembarimi soraarnerussutisiaqarsimasutut allattorsimasut kisimik suliarineqarput. Naatsorsuutinilu takuneqarsinnaapput soraarnerussutisiat soraarnerussutisialinnut soorlu inissiisarfinni imaluunniit utoqqaat illuini najugaqartunut naleqqussagaanersut (kaasarfimmiuunersut).
Kommunit najugaqarfiillu
Januaarip aallaqqaataat 2009 aallarnerfigalugu kommunit 18-iusimasut kommunerujussuarnut sisamanut katiterneqarput, 2018-imilu januaarip aallaqqaataani Qaasuitsup Kommunia aamma Kommune Qeqertalimmut kiisalu Avannaata Kommunianut avinneqarluni. Saqqummersitami matumani 2018-imi decembarimi kommunit avinneqarneri nutaat malinneqarput, kommuniusimasulli kommunini nutaani najugaqarfittut atorneqarput. Saqqummersitamilu kommuninut immikkoortiterinerni massakkut kommunit avinneqarneri pineqarput, najugaqarfinnullu immikkoortiterinerni 2009 sioqqullugu kommunit pineqarlutik. Immikkoortiterinerit marluk ataani takussutissiami takuneqarsinnaapput.
Tabel 1. Kommunit najugaqarfiillu
|
Kommuni |
Kujalleq |
Sermersooq |
Qeqqata |
Qeqertalik |
Avannaata |
|
Najugaqarfik |
Nanortalik |
Ivittuut |
Maniitsoq |
Kangaatsiaq |
Ilulissat |
|
|
Qaqortoq |
Paamiut |
Sisimiut |
Aasiaat |
Uummannaq |
|
|
Narsaq |
Nuuk |
|
Qasigiannguit |
Upernavik |
|
|
|
Tasiilaq |
|
Qeqertarsuaq |
Qaanaaq |
|
|
|
Ittoqqortoormiit |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Naatsorsuutinit allanit assigiinngissutit
Naatsorsueqqissaartarfiup saqqummersissimasaani ”20XX-imi isumaginninnermi ikiorsiissutinik pisartut”-ni utoqqalinermi siusinaarlunilu soraarnerussutisianut kisitsisit allaanerupput. Naatsorsuinermi periaatsit assigiinngissutaat nalunaarsuutinut tunngaviusunut periaatsimullu immikkoortumi takuneqarsinnaapput. Saqqummersitaq pineqartoq 2018-imili atorunnaarpoq, kisitsisaataasivimmili tabeli ”2009-miit 20XX-mut isumaginninnermi tapiissutit (SOX0020)” ingerlateqqinneqarpoq. Kisitsisaataasivimmili Isumaginninnermut tunngasut ataani Toqqorsivik-mi pissarsiarineqarsinnaavoq.
Saqqummersitap matuma saniatigut aamma ”20XX-imi utaqqiisaagallartumik isertitanut taarsiissutaasunik ikiorsiissutit”-nik, ”20XX-imi ineqarnermut tapiissutit”-nik kiisalu ”20XX-imi meeqqanut tapiissutit”-nik taarserneqarpoq.
2016-imiit 2019-imut kisitsisit atuutilersut ukunani pissarsiarineqarsinnaalerput; SOXPEN6 aamma SOXPEN7. SOXPEN6-imi soraarnerussutisiallit aamma inatsisini paragrafit (takuuk immikkoortoq ‘Inatsit tunngaviusoq* malillugit immikkoortiterneqarput. SOXPEN7 soraarnerussutisiat assigiinngitsut marluk takuneqarsinnaapput soraarnerussutisiaqartut aappaqarnersut ersersinneqarlutik (aappallit, kisimiittut, paaqqinniffinni inissisimasut). Aappaqarnermut paasissutissat Naatsorsueqqissaartarfiup innuttaasunik nalunaarsorsimaffianit pissarsiarineqartarput, atuukkunnaartumi SOXPEN5-imi soraarnerussutisianit paasissutissat atorneqartarsimasut.